Во минатото, плажата се освојуваше со пешкир, но денес, сончањето без изнајмена лежалка е речиси општествен срам. Тврдата пластика покриена со платно стана повеќе од само седиште – таа е мерка за туристичка вредност

На некои дестинации, изнајмувањето се претвора во сериозен трошок: Свети Стефан, Црна Гора – околу 300 евра дневно, Сен Тропе (Ники Бич) – до 500 евра за еден ден луксуз, Миконос – во зависност од локацијата и „вибрациите“, од 200 до 400 евра, Дубаи, Палм Џумеира – 250 евра и добивате амбиент… но не и мир.

Во Хрватска, цените за дневно изнајмување се движат од околу 30 до 50 евра, но имаше и „специјални понуди“ од, на пример, 150, 160 евра. Ваквите цени доведоа и до инциденти. Од физички конфликти во Италија и Шпанија до дигитална саботажа во турските хотели – борбата за добра позиција на плажата често ескалира.

За среќа, не сите плажи станаа бојни полиња на луксуз. Во некои региони, лежалка доаѓа со нарачаниот пијалок – бесплатно: Албанија – во Драч и Ксамил, лежалките често не се наплаќаат, Бугарија – од 5 до 10 евра за сет, Португалија (Алгарве) – од 10 до 15 евра дневно, Бали – лежалките се вклучени во цената на коктелот.

Лежалката денес е она што некогаш беше балкон на главното градско шеталиште. Покажува кој сте, каде сте и колку вреди вашиот одмор. Поблиску до морето – повисока позиција на социјалната скала.