Лесјак: Кузмановски ми кажа убави зборови за Е. Пелистер, за градот Битола

Урбан Лесјак е новиот голман на Е. Пелистер/Фото: instagram.com/rkeurofarmpelister

Како што е веќе познато Словенецот Урбан Лесјак е новиот голман на Е. Пелистер со кој потпиша договор до 2024 година.

Пред да дојде во Битола, ги бранеше боите на Целје Пивоварна Лашко и Хановер. Тој е член на репрезентацијата на Словенија, освојувач на бронзен медал на Светското првенство во Франција во 2017 година.

Кога стигнала опцијата за Битола, признава дека веднаш му била интересна.

– Градот го знаев, бидејќи играв тука со Хановер. Филип Кузмановски ми кажа многу убави зборови за клубот, градот, организацијата, сопственикот и засега сè функционира супер и едвај чекам да почнат натпреварите.

Словенците имаат големо почитување за македонскиот ракомет. Знаеме што значеа Металург, Вардар и Еурофарм Пелистер, кој е на добар пат. Имаме добар ростер, имаме луѓе зад нас во клубот кои добро работат и верувам дека ова е добар проект.

Со голем ентузијазам гледам на проектот, бидејќи ако не беше така немаше ни да се одлучам да дојдам тука. Драго ми е што ќе имам голема одговорност, што ќе бидам битен за екипата. Верувам во својот квалитет и во квалитетот на екипата. Свесен сум дека голманската позиција е многу битна и ќе дадам сè од себе.

Тешко е да оценам каква е екипата во овој момент. Тешки се нозете, доста трениравме и физички се подготвувавме. Имаме интелегентна екипа која може да игра повеќе начини на ракомет – од брз, до тактичен. Спремни сме за сè сезонава – вели Лесјак.

Видео на денот