-2.4 C
Скопје

Лековита храна: 10 намирници што го подобруваат здравјето на жените

Кој јогурт и кое чоколадо? Погледнете која храна е многу важна за доброто здравје на жените!

Жените живеат со забрзано темпо – тие се грижат за семејството, одгледуваат деца, ја одржуваат куќата, готват и одат на работа. Со таков бурен животен стил, тие често го занемаруваат своето здравје.

Физичкото и менталното здравје е директно поврзано со начинот на исхрана. Хранливите материи како витамините Б и Д, протеините, железото, фолната киселина, хромот, калциумот, магнезиумот, ензимите, влакната и есенцијалните масни киселини, се многу важни за здравјето на секоја жена.
Со правилен избор на храна, можат да се зајакнат коските, да се зголеми енергијата и да се спречат низа болести.

Список на намирници што треба често да се наоѓаат на вашето мени:

1. Грчки јогурт

Во споредба со обичниот јогурт, грчкиот јогурт содржи помалку маснотии и повеќе калциум и протеини, кои се неопходни за здрави заби, силни мускули и цврсти коски. Со редовното консумирање грчки јогурт ќе го подобрите варењето на храната и ќе ја спречите појавата на гасови и надуеност. Исто така, некои истражувања покажаа дека грчкиот јогурт има превентивно дејство на појавата на ракот на дојка, чир на желудникот и вагиналните инфекции.

Прочитајте и...  Лиса Кудроу снимила нови сцени за специјалната епизода од „Пријатели“

2. Грав

Гравот содржи голем процент на влакна, протеини и флавоноиди, а малку маснотии. Исхраната богата со грав може да ви помогне во слабеењето, во регулирањето на нивото на шеќерот и да делува превентивно на срцевите болести и ракот на дојка. Исто така, гравот има позитивна улога во регулирањето на хормоните. Оваа намирница е добра и за трудниците, бидејќи е богата со фолна киселина.

3. Спанаќ

Спанаќот, исто како и другиот лиснат зеленчук, е задолжителна намирница за жените на сите возрасти. Богат е со важни хранливи состојки, како што се железо, калциум, фолна киселина и витамини К, Ц, Е и Б. Покрај тоа, спанаќот е богат со аминокиселини, антиоксиданти и силни фитохемикалии, кои се важни за здравјето на жените. Спанаќот е одличен за здравјето на срцето, кожата, очите, коските и црниот дроб.

4. Домат

Богат со ликопен, антиоксидант кој дејствува превентивно на појавата на рак на грлото на матката и ракот на дојка, доматот е задолжителна намирница на менито на жените. Покрај тоа, ликопенот ја штити и кожата од штетните сончеви зраци. Полифенолите од доматот влијаат позитивно на срцето.

Прочитајте и...  ВИДЕО | Непријатно е, ама ние навикнавме да молчиме, „Молчи да не се замериш“, „Молчи, ќе слушне некој“...: Водителката Обучина ја поддржа Милена Радуловиќ молчејќи во емисијата

5. Јагоди

Јагодите содржат многу витамин Ц и калиум, па затоа се одлични за зајакнување на имунитетот. Моќните антиоксиданти во јагодите го штитат срцето, ги ублажуваат брчките, го подобруваат видот, ги намалуваат воспаленијата и го намалуваат ризикот од инфекции на уринарниот тракт. Јагодите можат да го намалат ризикот и од неколку видови рак.

6. Лосос

Омега-3 масните киселини позитивно влијаат на здравјето на мозокот и васкуларниот систем. Лососот е одличен извор на омега-3 масни киселини, кои се препорачуваат во бременоста, а можат да го подобрат расположението и штитат од Алцхајмерова болест. Лососот е нискокалоричен и има висока содржина на витамин Д.

7. Темно чоколадо

Овој деликатес е богат со антиоксиданти и особено се препорачува за жените. Тоа е одличен начин да го контролирате апетитот, а има и многу хранливи материи. Флавоноидите што се наоѓаат во темното чоколадо го чуваат здравјето на артериите и го намалуваат ризикот од срцеви заболувања.
Серотонинот во чоколадото го подобрува расположението, а многу се здрави и другите состојки на овој деликатес – магнезиум, манган, бакар, цинк и фосфор.

Прочитајте и...  Кога ви се јаде еден час пред полноќ: Мафини за брзо и здраво заситување

8. Бадеми

Овие јаткасти плодови содржат многу хранливи материи – протеини, добри масти, калциум, фосфор, цинк, бакар, селен, фолна киселина, витамини Е и А. Бадемите можат да го намалат нивото на лошиот холестерол, да го подобрат сонот, имаат превентивно дејство на срцевите заболувања и на ракот. Покрај тоа, бадемите можат да ви помогнат да ослабнете.

9. Авокадо

Ова е една од најдобрите намирници против стареење за жените. Авокадото содржи добри масти, антиоксиданти и фитонутриенти кои имаат корисен ефект врз мозокот, спречуваат брчки и ја прават кожата здрава.

10. Маслиново масло

Маслиновото масло дејствува превентивно на ракот на дебелото црево, дојката и на кожата. Покрај корисните фенолни антиоксиданти, содржи и биофеноли кои го спречуваат намалувањето на крвниот притисок и ги спречуваат срцевите заболувања. Покрај тоа, маслиновото масло има и силни антивоспалителни ефекти и може да ги намали проблемите настанати како последица од хроничните болести.

Поврзани вести

ФОТО: Северина го поддржа Бајден, но во костим за капење со американското знаме!

Слободен печат

Кога ви се јаде еден час пред полноќ: Мафини за брзо и здраво заситување

Слободен печат

Хороскопски знаци на кои ќе им се насмевне љубовта во месец февруари

Слободен Печат

ФОТО | Фотографија полна љубов: Мајкл Даглас во прегратка со својот едномесечен внук

Слободен печат

ФОТО: Меланија Трамп со стил ја напушти Белата куќа

Слободен печат

Мајли Сајрус: Користам секс играчки за дизајн на ентериерот

Слободен печат

Остави Коментар