Само што заврши сезоната во НБА лигата во која Милвоки бакс ја освои шампионската титула, сега во прв план избиваат размените како и претстојниот драфт кој е закажан за 29. јули.
Една од најактивните екипи на трансфер пазарот се очекува да биде ЛА Лејкерс чија управа прави се за да ја засили екипата и да не им се повтори штотуку завршената сезона каде загубија уште во првото коло од плеј-офот.

Целта на управата на Лејкерси е да донесат елитен плејмејкер, веќе се поврзуваа со евентуалните размени во кои би ги донеле Демиен Лилард, Расел Вестбрук или Крис Пол, а вечерва уште едно име се поврзува со „езерцата“.

Според новинарот на Атлетик, Шемс Чаранија, Лејкерси сакаат размена со Сакраменто кингс.
Лејкерси во Сакраменто се подготвени да го испратат Кајл Кузма доколку во обратна насока пристигне Бади Хилд.

Кајл Кузма пред четири години како 27 избор на драфтот пристигна во ЛА Лејкерс, но досега не ги оправда очекувањата и поради тоа генералниот менаџер Роб Пелинка сака да го размени за елитен плејмејкер.