– Навистина не ги сфаќам луѓето од МЗТ Скопје, зошто толку инсистираат да бидат прогласени за шампиони на половина од првенството. Се знае како се станува шампион – вели легендата на македонската кошарка.

Да се направат сите обиди титулата да ја добие навистина најдобрата екипа во нашата земја, доколку се обезбедат услови, да се игра и некој завршен турнир.

Шампионот да не биде „службен“, да биде промовиран на „зелена маса“. Клубовите да се подготовуваат за некои други, многу полоши моменти кои следуваaт во кошаркaрскиоt спорт, а се предизвикани од пандемијата на коронавирусот Ковид-19.

Така некако гласат размислувањата на легендата на македонската кошарка Лазар Лечиќ..

– Ова е навистина еден чувствителен момент во кој многу повеќе внимание мора да обрнеме на здравјето, на безбедноста, иако не смееме да ги заборавиме оние секојдневни активности. А кога сум јас во прашање нели, пред се, кошаркарските. Слушам, гледам полемики околу тоа дали треба да се прогласи шампион, или пак сезоната да биде поништена. И сум навистина разочаран како сето тоа е прикажано во јавноста. Наместо да зборуваме за работи со кои треба да одиме напред, ние го правиме спротивното.

Лично сметам, и се чудам, зошто раководството на МЗТ Скопје, упорно инсистира да им биде доделена шампионската титула? Што ќе добијат со едно такво, службено прогласување за шампиони? Дали е тоа задоволување на нечии интереси, пред се навивачките, би рекол. Навистина и не гледам друг интерес, освен за да се каже дека биле најдобри во сезоната во која не одиграле ни половина од предвидените натпревари, а оние кои ги добиле ги реализирале со голем број на странски кошаркари. Кому му е потребна титула ‘освоена’ на зелена маса? – се зборовите на Лечиќ.

МЗТ Скопје Аеродром размислува дури и да не настапува во текот на следната натпреварувачка сезона.