Уапсен е 46-годишен хрватски државјанин кој со измама однел 23.300 евра од 79-годишна жена, пренесе „Индекс“.

По брзата реакција на полицијата, измамникот е уапсен истиот ден на хрватската граница. Целиот износ ѝ бил вратен на оштетената жена, се вели во соопштението на Полициската управа Брод-Посавина.

Измамникот ѝ се јавил на пензионерката по телефон и ѝ се претставил како полицаец. Ѝ кажал дека истражува хакерски напад врз нејзините банкарски сметки. Потоа ја убедил да ги подигне сите пари за наводно да направи проверка која е дел од „истрагата“.

Без да се сомнева во вистинитоста на приказната, жртвата подигнала 23.300 евра од своите сметки, а на 12 декември му ги предала парите на измамникот, кој веднаш заминал и повеќе не се јавил.

Само во последната година, во Македонија во слични измами од повозрасни луѓе беа украдени стотици илјади евра, а најголем дел од измамниците и натаму се на слобода.

Украинец во Истра лажел повозрасни жени дека е лекар и дека децата им умираат – ги „олеснил“ за 57.000 евра