Вечерва во рамките од третото коло во најсилното француско првенство екипата на Нант со резултат 31:28 триумфираше пред своите навивачи кои беа на трибините против Тулуз.

Голем придонес во новите бодови оваа сезона имаше повторно македонскиот репрезентативец Кирил Лазаров (40) кој беше прв стрелец запишувајќи шест голови.

Истиот учинок кај неговите тимски колеги го имаат уште Валеро Ривера и Адриан Фигуерас.

Ова е вкупно трета победа по ред и моментно го дели првото место со ПСЖ на нашиот екс селектор Раул Гонзалез со по шест максимални бодови.

Во наредното коло Нант го очекува многу потежок предизвик, на 11 октомври ќе му гостува на исто така до сега непоразениот Монпеље.