Фудбалерите на ПСВ Ајндхоцен и Динамо Киев последни обезбедија пласман во плеј-офот за пласман во Лигата на шампионите откако мораа да играат продолженија против Монако, односно Штурм.

ПСВ во реваншот по продолженијата го елиминира Монако со 3:2, откако во регуларните 90 минути беше 2:2, а првиот натревар во Монте Карло исто така заврши без победник (1:1).

ПСВ поведе преку Верман во 21. минута, но Монако направи пресврт со головите на Марипан во 58. минута и на Бен Једер во 70. минута. Холанѓаните успеаја да израмнат во 89. минута преку Гутиерез, а потоа во 109. минута со голот на Лук де Јонг да победат и да обезбедат пласман во плеј-офот за ЛШ.

Динамо Киев со два гола во продолженијата по 15 минути успеа да направи пресврт и да го елиминира со 1:2.
Првиот натпревар заврши со 1:0 за украинскиот тим, а Штурм со голот на Хојлунд во 27 минута ја анулира негативата и со тој резултат заврши регуларниот дел.

Сепак, во судиското продолжение Динамо прво во 97. минута израмни преку Вивчаренко, а Циганков  во 112. минута го постигна голот за победа и пласман во плеј-офот.

Во плејофот за квалификациите за Лигата на шампионите, Динамо Киев ќе игра против Бенфика, а ПСВ против Ренџерс.

Резултати:

Жалгирис – Бодо/Глимт 1:1 (0:5 прв натпревар)
Аполон – Макаби Хаифа 2:0 (0:4)
Пјуник – Црвена звезда 0:2 (0:5)
Викторија Плзен – Шериф 2:1 (2:1)
Митјиланд – Бенфика 1:3 (1:4)
Динамо Загреб – Лудогорец 4:2 (2:1)
Ференцварош – Карабак 1:3 (1:1)
ПСВ Ајндховен – Монако 3:2 прод. (1:1)
Штурм – Динамо Киев 1:2 прод. (0:1)
Ренџерс – Унион Ројал 3:0 (0:2)