Куманово, Академија ФМП и ТФТ ги дознаа ривалите во Балканската лига

МЗТ Скопје Аеродром и Пелистер ќе ја претставуваат Македонија сезонава во АБА2 лигата/Фото: kfsm.mk

Првата фаза од новата сезона во БИБЛ лигата е реализирана, во седиштето на Лигата на Балканот во Софија, денеска беше извршена жрепката на двете натпреварувачки групи за сезоната 2021/2022.

Македонија ќе има три свои претставници во екипите на Куманово 2009, ТФТ и за првпат во кратката историја на постоењето, Академија ФМП.

Согласно со системот за натпреварување, во новата сезона ќе се натпреваруваат 10 екипи, поделени во две групи по пет. Со оглед на тоа дека имаме три претставници, за очекување беше дека во една од групите, во овој случај, групата „А“, ќе следиме „македонско дерби“.

За пласман во втората, елиминациска фаза ќе играат Куманово 2009 и ФМП Академија. Покрај во првиот круг ќе играат Хапоел Галил Гилбоа, Балкан од Ботевград и косовскиот Пеќ.

Екипата на ТФТ е во групата „Б“ во која ќе се натпреваруваат уште и екипите на Ирони Нахарија, Академик од Пловдив, Берое – Стара Загора и Сигал Приштина.

Менаџментот на БИБЛ лигата остави простор во групите да има уште по една екипа од некои од заинтересираните федерации како Романија и Црна Гора.

СОСТАВИ НА ГРУПИТЕ ВО БИБЛ ЛИГАТА

ГРУПА „А“: Хапоел Галил Гилбоа (Израел), Балкан (Бугарија), Куманово 2009 (Македонија), ФМП Академија (Македонија), Пеќ (Косово)

ГРУПА „Б“: Ирони Нахарија (Израел), Академик Пловдив (Бугарија), ТФТ (Македонија), Берое (Бугарија), Сигал Приштина (Косово)

Видео на денот