Кубанскиот десен бек Хернандез го одби Вардар
25-годишниот играч одлучи да ја продолжи соработката со Порто, а следната сезона ќе игра како позајмица во Катар.
Иако се шпекулираше дека е можно да направи трансфер во редовите на македонскиот и европски шампион, Анхел Хернандез одлучи да го продолжи договорот со Порто.
25-годишниот десен бек до 2025 година ќе биде играч на португалскиот клуб, а следната сезона ќе игра на позајмица во катарската екипа на Ал-Духаил.
Оваа сезона за Порто имаше учинок од 63 голови во 27 одиграни натпревари.
Вардар е во потрага по нов десен бек, бидејќи на таа позиција моментно го има само Томислав Јагуриновски (21) кој дојде од Металург.
Една опција отпадна, но и натаму имиња, поточно десни бекови кои се поврзуваат со „црвено-црните“, тие се Марко Вујин (Спортинг), Јосип Векиќ (ППД Загреб), Гашпер Храстник (ППД Загреб) и Еивинд Танген (Скјерн).
?♂️Ángel Hernández renova e sai por empréstimo
?Sabe mais: https://t.co/mUBuBGJrqe#FCPorto #FCPortoAndebol #Andebol #FCPortoSofarma #FCPortoSports pic.twitter.com/8G6G5A3eea
— FC Porto (@FCPorto) June 11, 2020