И дефинитивно бразилскиот интернационалец Жозе Толедо од следната сезона ќе има нов клуб, станува збор за Баја Маре, ова е потврдено од страна на романската екипа.

Така, сега Вардар останува моментно со еден десен бек, младиот Томислав Јагуриновски кој дојде од редовите на РК Металург.

„Црвено-црните“ се во потрага по нов искусен десен бек, според „Балкан-Хандбал“ можно е наскоро во Скопје да дојде 36-годишниот српски ракометар Марко Вујин.

Досега овој „бомбардер“ ги бранеше боите на португалскиот состав на Спортинг, своевремено еден од најдобрите стрелци во Лигата на шампионите носејќи го дресот на Кил и Веспрем, но никогаш досега нема вкусено европска титула во елитното клупско натпреварување.

Изворот вели дека на Вардар му е потребно големо име да го подигне расположението на ракометната јавност и на тој начин испрати порака до конкуренцијата.

Претходно со клубот се разделија уште Гедбан, Кугис, Горбок, Скубе, Шишкарев и Сикошек Пелко.