Трошите малку време и напор, а ова јадење веднаш ќе стане омилен специјалитет во вашата куќа.

Состојки:

• 400 г пилешко бело месо
• 3 јајца
• 100 г презла
• 100 г чипс
• 100 г бело меко брашно
• сол
• масло

За таратор сос:

• 400 г краставици
• сол
• 180 г кисела павлака
• сок од 1/2 лимон
• 2 чешниња лук
• мирудија

Подготовка:

Излупете ја и изрендајте краставицата. Посолете ја ренданата краставица за да ја испушти водата. Излупете чешне лук и исечете половина лимон. Ситно исечкајте ја мирудијата. Исцедете ја ренданата краставица од вишокот вода. Исцедете половина лимон врз краставицата. Додадете ги мирудијата и лукот. Сѐ добро соединете со киселата павлака.

Исчистете го месото и исечете го на ленти. Посолете. Подгответе ги брашното, јајцата и чипсот за похување. Чипсот иситнете го и измешајте го со презлата. Загрејте масло во тавата. Месото панирајте го по следниот редослед: брашно, јајца, чипс со презла. Пржете го месото додека не добие златна боја. Извадете го готовото пилешко на хартија за да ги отстраните вишок маснотии. Сервирајте по желба.