Крај на соработката – Ериксен и Интер го раскинаа договорот
Данецот доживеа срцев удар на стартот од Европското првенство годинава, а со брзата реакција на лекарите беше спасен животот на играчот од средниот ред на „нераѕурите“.
Кристијан Ериксен и Интер го раскинаа договорот за соработка, пренесуваа новинарот Фабрицио Романо на својот Твитер профил, а наскоро се очекува и потврда од италијанскиот клуб.
По поставувањето на дефибрилаторот, репрезентативецот на Данска доби дозвола да продолжи да игра фудбал. Но, тоа нема да може да го направи во Италија, каде што постои правило кое забранува настапи на играчи кои имаат било какви срцеви проблеми.
Поради тоа, но и поради темелното опоравување, Ериксен и натаму нема настап по Европското првенство, а Интер потврди дека е прекината соработката со Кристијан. Договорот беше потпишан до 2024 година.
Inter and Christian Eriksen have decided to terminate the current contract by mutual agreement, as he’s officially not allowed to play in Serie A with defibrillator. 🇩🇰 #Eriksen
Official announcement soon – then Eriksen will be free to consider proposals from other countries. pic.twitter.com/tWRL5oVAKC
— Fabrizio Romano (@FabrizioRomano) December 17, 2021
Во последните неколку недели Ериксен тренира со Одензе, воедно се шпекулира дека својата кариера 29-годишниот фудбалер би можел да ја продолжи во Англија, Холандија, Данска..
Ериксен својата професионална кариера ја започна во Ајакс, чии бои ги бранеше од 2010 до 2013 година. Потоа се пресели во редовите на Тотенхем за кој играше до лани и направи трансфер Интер.