Крај на кариерата за Данецот, Ериксен е опериран
Добри вести за здравјето на данскиот репрезентативец, Кристијан Ериксен кој изминатата сабота колабираше на теренот на натпреварот против Финска. Според весникот „Марка“ Ериксен е успешно опериран и се очекува денеска да биде пуштен на домашно лекување.
На него му е вграден специјален апарат, дефибрилатор, кој ќе му ја контролира работата на срцето.
Операцијата и вградувањето на дефибрилаторот, ќе значат и крај на кариерата на Ериксен, но Данецот ќе може да води нормален живот.
Некои негови соиграчи како Дејли Блинд исто така имаа слични проблеми, но продолжија да играат фудбал. Блинд два пати колабираше на теренот, но се уште настапува за Ајакс, но за разлика од него, состојбата со Ериксен е далеку посериозна. Тој нема да продолжи да игра фудбал бидејќи не смее премногу да го оптеретува телото, а со тоа и срцето.