Пејачката Лејди Гага откри дека нејзината свадба со свршеникот Мајкл Полански се приближува. Гага ја сподели веста во програма во живо на емисијата „Romantic Radio“ на Бруно Марс, преку однапред снимена порака, пренесува „Пипл“.

„Мојот свршеник и јас патувавме целата измината година, а наскоро ќе се венчаме. Се надевавме дека ќе ни избереш некоја посебна песна“, порача таа.

Бруно Марс не го коментираше директно тоа што таа најави дека свадбата ќе биде наскоро, но ѝ ја исполни желбата и една од песните од неговиот нов албум „Risk It All“ ја посвети на нејзиниот иден сопруг.

Оваа вест доаѓа неколку месеци откако Лејди Гага откри дека таа и Мајкл Полански често разговараат за брак. Полански претходно за списанието „Ролинг Стоун“ изјави дека сакаат приватна церемонија наместо голема и раскошна свадба.

„Не сакаме голема свадба, но сакаме да уживаме во тој ден. На некој начин веќе се чувствуваме како да сме во брак, па многу работи и нема да се променат“, изјави тој.