Непознати крадци во ноќта меѓу вторникот и средата ограбиле фирма за брзи кредити во скопската населба Аеродром, од која однеле пари, два цели сефа, службениот печат, телефони и други предмети, соопшти МВР.

Ова, според информациите од дневните билтени на МВР, е шестата тешка кражба извршена во фирма за брзи кредити во Скопје од викендот 17-19 јануари наваму, односно за неполн месец. Последниот случај пред овој е од вчера од вчера, кога беше ограбена лихварница во општината Гази Баба.

„На 11.02.2026 во 03:33 часот во СВР Скопје било пријавено дека во периодот од 19:00 часот на 10.02.2026 до 03:25 часот на 11.02.2026 со употреба сила и подесен алат било влезено во подружница на финансиско друштво на подрачје на Аеродром и биле одземени пари, два сефа, службен печат на подружницата, мобилни телефони и други предмети. Увид на местото извршила екипа од СВР Скопје и се преземаат мерки за расчистување на случајот“, пишува во полициското соопштение.

Крадци систематски ограбуваат скопски лихварници – однеле пари и цели сефови од три фирми во три дена