Три филијали на фирми за брзи кредити во Скопје – во Карпош, Гази Баба и Центар, деновиве се ограбени од непознати крадци. Во два од трите случаи, тие однеле цели сефови, информира полицијата.

Во сите три случаи, кражбите се случиле рано наутро, од една фирма крадџите го однеле сефот, а во другата лихварница го отвориле сефот и ги украле само парите. Полицијата информира дека два случаја биле пријавени вчера меѓу 4 и 6 часот наутро, но во ниту еден не соопшти колкава сума била пријавена за украдена.

„На 17.01.2026 во 05:20 часот во СВР Скопје е пријавено дека на подрачјето на Центар, во објект на финансиско друштво насилно било влезено и одземен бил сеф со пари. Истиот ден во 04:44 часот во СВР Скопје е пријавено дека на подрачјето на Гази Баба, во објект на финансиско друштво насилно било влезено и одземени биле пари од сеф. Се преземаат мерки за расчистување на случајот“, пишува во полицискиот билтен.