Вршителката на должноста претседател на Косово, Албулена Хаџиу, денеска распиша предвремени избори за 7 јуни, трети за нешто повеќе од една година, откако парламентот не успеа да избере нов шеф на државата, пренесе Индекс.

Со новите избори се продолжува политичката криза во најмладата европска држава, чија влада поголем дел од минатата година не беше целосно функционална, бидејќи поделениот парламент со месеци не успеваше да избере претседател на парламентот.

„Доцниме со реформите без никаква причина. Не можеме да си дозволиме губење време“, рече Хаџиу, вршителка на должноста претседател на државата и претседателка на парламентот, по состанокот со политичките лидери.

Пратениците имаа рок до полноќ во вторник да изберат претседател, откако мандатот на Вјоса Османи истече претходно овој месец. Премиерот Албин Курти не успеа да обезбеди поддршка за својот кандидат.

По убедливата победа во декември, се чинеше дека партијата на Курти, Самоопределување, ќе биде подготвена да го прекине повеќемесечниот политички застој.

Косово влегува во криза – следуваат нови предвремени избори