Земајќи го предвид здравјето и безбедноста на играчите, тренерите и службениците и следејќи ја препораката од Медицинската комисија и Комисијата за натпревари, Извршниот комитет донесе одлука во врска со квалификациите за ноември 2020, и февруари 2021 година за континенталните купови како што следува:

–Сите натпревари во двата „прозорци“ треба да се спроведуваат во т.н. „меури“ (“bubbles”), наместо на домашни или на гостински терени, со согласност на органите за јавно здравје на домаќинот и во согласност со здравствените протоколи на ФИБА (вклучително и тестирање на PCR и контролиран влез во безбедна средина во натпреварувачки град);

–Секој „меур“ (“bubbles”) ќе се состои од четири или осум екипи (една или две квалификациски групи). Домаќините ќе бидат одредени на регионално ниво и ќе бидат објавени во догледно време.

Оваа одлука на ФИБА значи дека македонската кошаркарска репрезентација во квалификациите за ЕП 2021 година ќе ги доигра турнирски но засега не е познато дали Македонија ќе биде домаќин на некој од турнирите или не.

Македонија досега во квалификациите одигра два натпревари, на стартот во Скопје загуби од Естонија со 72:81, а во второто коло загуби со 77:67 на гостувањето во Русија.
Следниот натпревар според календарот, избраниците на селекторот Александар Тодоров треба да го одиграат на 27 ноември во Италија, а на 30. ноември треба да и гостуваме на Естонија.

Во женска конкуренција. кошаркарките  во ноември ја чекаат дуели со селекциите на Хрватска на гости (12.ноември) и со Германија на домашен терен (15.ноември).