Конечно се најде купувач за банкротираната банка Силикон Вели
Сите депозити на банкротираната банка Силикон Вели ќе ги купи Фрст Ситизен банка и Tраст Кo., објави во понеделникот Федералната корпорација за осигурување на депозити (ФДИЦ).
Според соопштението на ФДИЦ, 17-те филијали на СВБ повторно ќе бидат отворени во понеделник, на 27 март, додека Фрст Ситизенс Банк и Tраст Компани соопштија дека клиентите на пропаднатата банка „треба да продолжат да ја користат својата сегашна филијала до понатамошно известување“, пренесува „Би-Би-Си“.
Дополнително, штедачите на СВБ автоматски ќе станат штедачи на и на Фрст Ситизен и Tраст Компани. Договорот вклучува купување на имотот на СВБ за речиси 72 милијарди долари со попуст од 16,5 милијарди долари. Дополнително, 90 милијарди долари во хартии од вредност и други средства ќе останат во акредитација за отуѓување на ФДИЦ.
„Ова беше значајна трансакција во партнерство со ФДИЦ која треба да влее доверба во банкарскиот систем“, рече Френк Холдинг, извршен директор на ФСБ.
Заклучно со 10 март, СВБ имаше околу 167 милијарди долари вкупни средства и 119 милијарди долари вкупни депозити. ФС, со седиште во Рали, Северна Каролина, се смета како најголема банка во државата контролирана од семејството и е еден од најголемите купувачи на проблематични кредитори во последниве години.