Приказната за Тони Монтана, гангстер кои доаѓа од Куба и станува шеф на подземјето на Флорида, беше брилијантно прикажана од страна на режисерот Брајан Де Палма во филмот „Scarface“ во 1983 година. Снимен е според сценариото на Оливер Стоун. Тоа беше филм кој ја лансираше Мишел Фајфер во ѕвездите, а Ал Пачино го потврди како еден од најдобрите актери во светот. Сега е објавено дека ќе започне снимањето на нова верзија која ќе биде режирана од страна на Лука Гуадагнино, додека сценариото е веќе напишано од браќата Џоен и Итан Коен.

Филмот не само што ќе се базира на верзијата од 1983 година, туку и на оргиналниот филм од 1932 година кој го режираше Хауард Хокс, а во кој во подземјето на Чикаго владее Тони Камонте кој го игра Пол Муни. Последниот филм на режисерот Лука бил „Suspiria“, римејк на италијански хорор класик, со Дакота Џонсон, Тилда Свинтон и Клои Мортез во главните улоги. Моментално завршува снимањето на HBO серијата „We Are Who We Are“ каде играат Алис Брага и Кид Куди, а во план му е да режира и уште еден римејк наречен „Lord of the Flies“, чии претходни верзии се од 1963 година и 1990 година.