Комплетно е реновиран првиот кат на Универзитетската клиника за гастроентерохепатологија. Во најголем дел, реновирањето е финансирано од Командата на Соединетите Американски Држави за Европа, во вредност од над 400-тини илјади американски долари.

Премиерот Димитар Ковачевски кој заедно со министерот за здравство д-р Фатмир Меџити и амбасадорката на САД во државава, Ангела Агелер ја посетија болницата изјави дека најтешко болните пациенти кои имаат потреба од третман на Клиниката, отсега ќе престојуваат во достоинствени услови и ќе добиваат современи медицински услуги.

Република Северна Македонија е на вистинскиот колосек, имаме искрени и вистински пријатели од меѓународниот демократски свет и ете ова значи да се биде кредибилен партнер на меѓународната заедница, рече премиерот Ковачевски кој се заблагодари на САД за континуираната поддршка.

Амбасадорката Агелер, во обраќањето порача дека оваа поддршката е како за пациентите, така и за посветениот медицински персонал на Клиниката.

Целиот кат на Клиниката е целосно реновиран и значително го подобри не само нејзиниот капацитет, туку и нивото на услуга што им ја дава на граѓаните. САД, ЕК донираат 400.000 долари за реновирање и тоа е само уште еден пример за долгогодишната посветеност што ја направивме да ѝ помогнеме на Северна Македонија да изгради доверба и квалитет во институциите, посочи таа.

Директорката на Клиниката, Д-р Калина Гривчева-Сарделова, директорката на Клиниката во своето обраќање посочи дека со ова се означува комплетно завршување на еден процес и оти сега имаат најсовремени услови за работа што одговараат за терцијарна здравствена установа.

Проектот за реконструкција кој го завршивме е голем и значаен, бидејќи ова е негово прво темелно реновирање откако е изграден објектот на Интерните клиники, пред повеќе од 60-тина години. Клиниката за гастроентерохепатологија е доказ дека кога се сака се може, со заеднички пристап и меѓусебна поддршка на сите вработени, порача д-р Гривчева-Сарделова.