Клисура ја освежи одбраната на Работнички - Слободен печат
СпортФудбал

Клисура ја освежи одбраната на Работнички

Комплетирајќи го ростерот за новата натпреварувачка сезона, ФК Работнички се засили и со централниот дефанзивец од Србија, Марко Клисура.

Клисура (26) со „романтичарите“ се договори на едногодишна соработка, во желбата за дополнително засилување на конкуренцијата во одбранбените редови.

Последен негов клуб е Мумбаи сити од Индија, а претходно настапуваше и за ФК Букхара во шампионатот на Узбекистан.

Претходно во својата кариера има настапувано и за српските суперлигаши Спартак Суботица и Нови Пазар, како и за Бачка и Младеновац.

Претходно Работнички потврди дека талентираниот напаѓач Давид Тошевски, досегашниот член на младинската школа на клубот, го потпиша првиот професионален договор.

Беше и објавено дека голманот Дамјан Шишковски се враќа во тимот, потоа бразилскиот интернационалец Јаго потпиша исто така договор на една година, а на две години Кореецот Хјунг-Јон Ли.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close