Тој потпиша едногодишен договор со „романтичарите“, со опција за продолжување на соработката за уште една дополнителна сезона. Јаго Гомес пристигна во Скопје и веќе му се стави на располагање на шефот на стручниот штаб Александар Влахо во тренажниот процес.

Тој ќе ја засили конкуренцијата во нападот, има 26 години, игра како класичен напаѓач, а може да одговори на задачите и на десната крилна позиција. Доаѓа од португалскиот третолигаш Армасененсес каде минатата сезона одигра 35 натпревари и постигна 11 гола.

Младинските категории ги помина во школата на Фламенго, а потоа кариерата ја гради во Португалија, во клубовите Фаренсе, Лулетано, Лагоа, Фаро, Луситано и Армасененсес.

Работнички веќе ги започна летните подготовки за новата сезона, закажа и пријателски натпревари преку кои ќе се темпира формата.

Претходно „романтичарите“ го ангажираа Кореецот Хјунг-јон Ли, а се врати и повремениот македонски репрезентативен голман Дамјан Шишковски.