Клинички испитувања: Оксфордската вакцина покажува одлични резултати

Фото: EPA-EFE/Juan Ignacio Roncoroni

Првите резултати од тестирањето на вакцината против коронавирус, во чиј развој соработуваат Универзитетот Оксфорд и компанијата „АстраЗенека“ покажаа дека препаратот стимулира силна реакција на имунитетниот систем кај постарите лица.

Лондонскиот дневен весник „Фајненшл тајмс” од веродостојни извори дознава дека истражувачите биле охрабрени, откако се покажало дека новата вакцина предизвикува силен имунолошки одговор кај постари лица кои се особено чувствителни на тешкиот облик на ковид-19 и имаат висок ризик од смрт.

Првите тестирања покажаа дека новата вакцина предизвикува силен имунолошки одговор кај населението на возраст од 18 до 55 години.

Компанијата „АстраЗенека“, која работи на вакцина против ковид-19 со Универзитетот Оксфорд, се смета дека е најблиску до успешното откривање на сигурна вакцина против коронавирусот.

Видео на денот