КФСМ има резервен план доколку се појават проблеми со коронавирусот во мак баскетот

Кошаркарската сезона во Македонија ќе започне на 10. октомври, откако здружението на прволигаши и челниците на Кошаркарската федерација на Македонија (КФСМ) на вчерашниот состанок се договорија да го пролонгираат стартот на Првата лига за една седмица.

Истовремено беа донесени и неколку заклучоци за тоа како ќе се одвива сезоната доколку се појават случаи на кошаркари позитивни на коронавирус.

Прволигашите и КФСМ се договорија доколку во еден тим има тројца кошаркари позитивни на коронавирус, тогаш тие да се сметаат како повредени играчи, но доколку бројката за заразени биде поголема тогаш е можен и привремен прекин на првенството.

Поради позитивен случај на ковид-19 во екипата на Работнички, целиот тим е во изолација и овој случај има удел во одложувањето на стартот на новата сезона.

Прочитајте и...  ФОТО: Барса ниско удира, стигна експресен одговор од „Старата дама“!

Наша иницијатива како Федерација беше да се игра во меур. Со доза на резерва им оставивме на другите спортови да ги започнат своите првенства за да видиме како тоа ќе изгледа кај нив. Во фудбалот не е толку голем проблем бидејќи се игра на отворено, но во како се појавија случаите во ракометот, така ние започнавме да разработуваме планови како да ги заштитиме сите учесници во домашното првенство. Разговаравме со екипите и тие сакаа вака да започне сезоната и да видиме што ќе се случува. Ние како Федерација укажавме на сите опасности, а одлуката на клубовите беше да играат вака. Доколку се појават нови случаи на коронавирус, најдобро ќе биде првенството да се игра во „меур“ – вели Владимир Георгиевски, генералниот секретар на КФСМ.

Прочитајте и...  ВИДЕО: „Цепелинот“ на Велковски и Мандалиниќ во Топ 5 голови на Лига Европа!

Прволигашите не го прифатија предлогот на Федерацијата, првенството да стартува по принципот на НБА лигата натпреварите да се играат во „меур“ и одлучија сезоната да стартува на вообичаениот начин.

Ние размислувавме полусезоната да се одигра во затворен систем во ткн. „меур“ каде би се одиграле сите натпревари од првиот дел или евентуално да се играат на неколку локации.
Екипите беа против, можеби повеќе беше во прашање затвореноста на сите актери на подолг период, исто така како проблем можеше да се јави и затвореноста на судиите бидејќи судењето не им е примарна професија.
Во интерес на екипите и на кошарката е да започне првенството, се договоривме да започнеме на овој начин и да видиме како тоа ќе оди, па ќе се носат и другите одлуки во зависнот од ситуацијата. Примарна цел на сите ни е да го завршиме првиот дел од сезоната, а потоа ќе видиме како ќе се одвива состојбата со коронавирусот – смета Георгиевски.

Прочитајте и...  Чеферин: Мора да ја спречиме Суперлигата

Поврзани вести

ВИДЕО: Ибра во свој стил, не сте Златан, не го предизвикувајте вирусот!

Слободен печат

Надал се откажува: Ѓоковиќ и шеста година најдобар тенисер на светот!

Слободен печат

Без Борко и Георгиевски против Финска и Швајцарија!

Слободен печат

Пирло: Има млади и неискусни во Јуве, далеку сме од Барса!

Слободен печат

Ндомбеле: Не ме повредија, ниту ме мотивираа зборовите на Мурињо!

Слободен печат

„Џокерот“ на Солскјер: Решфорд го надмина рекордот на Мбапе!

Слободен печат

Остави Коментар