Ќерката на Синди Крафорд во врска со славната манекенка Кара Делавињ?
Британскиот топ-модел Кара Делавињ (27) е една од најбараните и најуспешните манекенки на денешницата, a освен по успесите во модната индустрија, таа е позната и по своите врски со славни дами.
Нејзината нова девојка, според американските медиуми, e супермоделот Каја Гербер (18), која е една од најпопуларните на планетата и околу која се „тепаат“ дизајнерите, а инаку е ќерка на манекенката Синди Крафорд.
Двете убавици биле видени заедно пред два дена во Лос Анџелес, на протестот „Црните животи се важни“, а фотографиите и очевидците зборуваат дека биле мошне блиски. Манекенките се држеле за рака и се прегрнувале цело време.
Гербер претходно беше во врска со контроверзниот Пит Дејвидсон, поранешно момче на Аријана Гранде и на Кејт Бекинсејл. Кара Делавињ пред извесно време ја раскина врската со актерката Ешли Бенсон (30), позната од серијата „Убави мали лажги“.