Кејд Канингем прв избор на НБА драфтот
Детроит пистонс го избра плејмејкерот Кејд Канингем за прв пик на драфтот во 2021 година. Студентот на Универзитетот Оклахома стејт очекувано е избран од првата позиција на драфтот кој се одржа утринава во Њујорк. Канинегем има 19 години, висок е 203 сантиметри, а со репрезентацијата на САД до 19 година, на СП во 2019 година го освои златниот медал.
The No. 1 Pick in the 2021 NBA Draft: the one and only Cade Cunningham. #NBADraft#NewEra | #GoPokes pic.twitter.com/Pc2zoDejEd
— OSU Cowboy Basketball (@OSUMBB) July 30, 2021
Хјустон рокетс кој бираше втор на драфтот, се одлучи за Џејлен Грин, додека Кливленд кавалирс од третата позиција го избраа Еван Мобли.
Првото изненадување го направи Торонто репторс кој како четврти пик го избра Скотi Барнс, додека Џејлен Сагс за кого се очекуваше да биде меѓу првите три пика, беше избран како петти и тоа од Орландо меџик.
Оклахома сити тандер од шестата позиција го избра Џош Гиди, седми бираше Голден стејт вориорс кој се одлучи за Џонатан Кумингa. Потоа повторно бираше Орландо кој како осми пик го зеде Франц Вагнер.
Сакраменто го избра Девион Мичел, додека првите 10 на драфтот ги комплетира Зиаре Вилијамс за кого се одлучи Њу Орлеанс пеликанс.