Селекторот на фудбалската репрезентација на Гана, Карлош Кеирош, по натпреварот со Хрватска изјави дека Светското првенство „вистински започнува“ дури сега за неговата селекција.

Гана загуби со 2-1 од Хрватска во последното, трето коло од групата Л, но и покрај поразот обезбеди пласман во осминафиналето како една од најдобрите третопласирани репрезентации.

„Им кажав на моите играчи дека вистинското Светско првенство започнува во следната фаза. Групната фаза е загревање, а сега секој натпревар е како финале“, изјави Кеирош.

Тој додаде дека во нокаут-фазата нема простор за грешки и дека секој меч носи максимален притисок, каде „победникот зема сè“.

Гана во шеснаесетфиналето ќе се соочи со Колумбија на 4 јули.

Кеирош се осврна и на проширениот формат на Мундијалот со 48 репрезентации, оценувајќи дека тоа може да ја намали тежината на квалификациите и вредноста на самото учество.

„Кога толку многу селекции се пласираат, се поставува прашањето за квалитетот и значењето на квалификациите. Светското првенство треба да биде посебно“, порача селекторот на Гана, кој ја презеде репрезентацијата во април годинава.

ВИДЕО | Мундијалски вести: Договорено реми на Алжир и Австрија, Канада е првиот осминафиналист