Светски познатaта раперка Карди Би, со настапот на церемонијата на доделување на наградите „BET“ откри дека е во поодмината бременост. Приклучувајќи се на групата „Migos“ на сцената, чија член е и нејзиниот сопруг Офсет, таа го покажа своjот труднички стомак носејќи тесен комбинезон збогатен со многу кристали и специјален пресек.

По настапот на социјалните мрежи беше објавена фотографија на која таа позира гола, а покрај тетоважите на телото, нејзините стомак и гради се прекриени со бела смеса која ќе формира скулптура од нејзиното тело, што ќе остане како прекрасен спомен за раперката.

Паралелно со настапот на церемонијата на доделувањето на наградите, во соопштението беше потенцирано:

„Излегувајќи на сцената во адаптирано парче облека на „Долче и Габана“, Карди гордо го покажа трудничкиот стомак споделувајќи ја оваа прекрасна вест заедно со нејзиниот сопруг.“

 

View this post on Instagram

 

A post shared by Getty Images Entertainment (@gettyentertainment)

Иако објавата сигурно изненади многумина, нејзиниот настап со Меган Ти Сталион на доделувањето на наградите „Греми“ во март, открива дека и тогаш таа можеби покажала малку поголем стомак. Меѓутоа, тоа не било лесно да се забележи со оглед на нејзиниот целокупен настап и танцовите потези.

 

View this post on Instagram

 

A post shared by Cardi B (@iamcardib)

Карди практично е пионер во откривањето на бременостите на големите телевизиски настани. Со сличен потег во 2018 година, таа ја откри својата прва бременост во емисијата „Saturday Night Live“.

Објавата за бременоста ги изненади и гледачите и водителите на шоуто, а актерката Тараџи П. Хенсон, која се најде во улогата на водителка, во продолжението на емисијата изјави: „Во ред, да се вратиме на Карди Би и Офсет, кои ни даваат живот – буквално!“

Карди освои се закити и со неколку награди и тоа две за најдобар женски хип – хоп изведувач, за најдобра соработка, специјална награда од гледачите и две награди за видео на годината.