Каран: Ќе видиме што ќе се случи, Пјуник е силен!
Каран и неговиот Шкупи денеска го дознаа ривалот во првото квалификациско коло на Лига Европа, тоа е Пјуник од Ерменија кој веќе има меѓународни мечеви во нашата земја.
Пјуник е тим со 14 шампионски титули, осум трофеи во националниот Куп, а девет во Суперкупот. Каран посакува изненадување во овој двомеч:
– Станува збор за еден силен тим, кој што успеа лани да го елиминира Вардар. Но, ние добро ќе се подготвиме и веруваме дека можеме да се најде во следното квалификациско коло. Ќе видиме што ќе се случи, Ерменија е далеку, имаме доволни информации за нив, а наше е да го дадеме најдоброто од себе. До овие мечеви важно ќе бидеме здрави и бидеме спремни за предизвикот – вели тренерот на Шкупи, Каран.
Another Macedonia versus Armenia clash as Shkupi gets Pyunik.
Overall, very solid draw results for our 4 clubs today. pic.twitter.com/NFbYCjhhC4
— Macedonian Football (@MacedonianFooty) June 18, 2019
Пјуник секогаш бил поуспешен во мечевите против македонските екипи, најпрвин во квалификациите за ЛШ против прилепска Победа во сезоната 2004/2005) со вкупен резултат 4:2.
Потоа, во квалификациите за ЛЕ во сезоната 2013/2014 со вкупни 2:1 го елиминираше Тетекс, а во истото натпреварување минатата година го исфрли Вардар (3:0). Може ли Шкупи да ја прекине оваа негативна традиција на нашите претставници против Пјуник?
