Севиља по шести пат во клупската историја триумфира во Лигата на Европа и стана убедливо најуспешната екипа во ова европско натпреварување. По големиот триумф над Интер, посебно емотивен беше капитенот на Севиља, Хесус Навас кој трофејот му го посвети на трагично загинатиот фудбалер на Севиља, Хозе Антонио Рејес.

– Овој тим на Севиља го заслужи трофејот. Се боревме цела година, поминавме низ тешка ситуација како и сите останати и се трудевме да одиме ден по ден. Мораме да уживаме во овој успех, навивачите го заслужуваат тоа. Многу ми значи што го подогнав овој пехар како капитен на Севиља, но и за поради пријателите кои повеќе не се со нас како Хозе Антонио Рејес – изјави Навас.

Поранешниот фудбалер на Севиља, Рејес минатата година го загуби животот во сообраќајна несреќа.