Капело против Конте: Невозможно е да разговарате со тој човек!
Интер само ремизираше 0:0 против Шахтјор Доњецк во Лигата на шампионите, па така не успеа да обезбеди настап во нокаут-фазата, ниту пак да се најде на третата позиција која води во Лига Европа.
Тренерот на „неро-аѕурите“, Антонио Конте доби голем број на критики од навивачите поради раната елиминација од Европа, се наоѓа на удар, а кога го критикува Фабио Табело тогаш тоа е голем проблем.
Капело беше стручен консултант за италијанскиот „Скај Спорт“, па по натпреварот го праша Конте:
„Зарем немате план Б да ги свртите работите?“
„Да, имаме план Б“ – одговори Конте.
„Јас не го видов“ – одговори Капело.
„Не сакам да зборувам за тоа, во спротивно тоа ќе биде тотална катастрофа” – се зборовите на Конте.
Потоа, и водителката во студиото, Ана Било го праша зошто екипата немаше план Б за мечот против Шахтјор:
– Проблем во играта? Во која смисла? Шахтјор дојде и го оневозможи нашиот систем. Размислете пред да поставите прашање – беше лут Конте.
Капело тогаш жестоко го критикуваше тренерот на Интер во студиото за неговото однесување.
– Невозможно е да разговарате со овој човек. Тој не разбира дека не можеме да зборуваме само кога работите одат добро. Интер претрпе огромна економска штета со елиминацијата, па дури и нема да игра во Лига Европа. Штетата е огромна, дури и за спонзорите – додаде Капело.
ВИДЕО: Нема теорија на завера: Реал победи, но Интер испадна од Европа