На Националната арена „Тодор Проески“, селекторот на ерменската репрезентација, Хоакин Капарош на официјалната прес-конференција ги сподели своите очекувања во пресрет на утрешниот квалификациски натпревар против Македонија за пласман на СП 2022.

Мечот ќе се одигра в четврток со почеток од 20.45 часот, а моментно на табелата во квалификациската група „Ј“ води Ерменија со девет бодови, пред Македонија со шест.

– Македонската репрезентација има нов селектор после Европското првенство, но 80% од селекцијата останува иста. Наше е да го дадеме максимумот на утрешниот дуел, знаеме дека се случуваат работи како промена на генерации, фудбалери и тренери кои доаѓаат и си заминуваат.

Само колективно можеме да дојдеме до позитивен резултат, Мхитарјан може да ни помогне со неговот големо искуство во следните мечеви и дека истото ќе го пренесе на останатите за натпреварот со Македонија – вели ерменскиот селектор Капарош.

Последниот меѓусебен дуел меѓу Македонија и Ерменија се одигра во рамките од УЕФА Лигата на нации минатата година во Никозија (Кипар) кога загубивме со 1:0.

Ристовски ја наследи капитенската лента од Пандев: Чест е да се биде капитен на оваа генерација