Канада во проблеми пред СП 2026: Крај на сезоната за Алфонсо Дејвис
Фудбалерот на Баерн Минхен, Алфонсо Дејвис, ја заврши сезоната поради повреда на мускул на левата нога, објави германскиот клуб во петокот.
Препорачано
– Алфонсо Дејвис претрпе повреда на мускул на левата нога за време на реваншот од полуфиналето на Лигата на шампионите против Пари Сен Жермен во средата. Ова го потврди и медицинскиот тим. Канадскиот репрезентативец ќе биде надвор од терените неколку недели – се вели во соопштението на Баерн.
Канаѓаните се загрижени поради повредата на еден од своите најдобри играчи во националниот тим, но веруваат дека ќе биде подготвен за почетокот на Светското првенство кое ќе почне на 11 јуни.
Баерн веќе ја обезбеди титулата шампион на Германија, додека во Лигата на шампионите беше елиминиран во полуфиналето.
Канада, која заедно со САД и Мексико ќе го организираат Мундијалот, се наоѓа во групата Б заедно со селекциите на Босна и Херцеговина, Катар и Швајцарија.
Оваа сезона Дејвис во Бундеслигата запиша еден гол и три асистенции во 13 настапи, а две асистенции во осум настапи во ЛШ.
Alphonso Davies suffered a muscle injury in the back of his left thigh during the semifinal second leg against Paris Saint-Germain and will therefore be out for several weeks.
We wish you a speedy recovery, Phonzy ❤️🩹
🔗 https://t.co/BqawKk0wvr pic.twitter.com/fq2n6VNMXT
— FC Bayern (@FCBayernEN) May 8, 2026
