Ако вам ви е жешко, вашето куче се „вари“, но постојат неколку начини да му помогнете да се разлади во жешкото лето.

Сите кучиња сакаат да се шлапкаат во вода па и едно малечко базенче со вода ќе заврши работа. Кучињата најбрзо се разладуваат кога ќе плиснат во вода, па макар и на кратко, а исто така се и преслатки за фотографирање.

Постојат перничиња со гел кои се 5 до 10 степени поладни од надворешната температура, а кученцето ќе го пронајде перничето и ќе ужива на него бидејќи така и така си бара ладно. Доколку немате од каде да купите можете да импровизирате со гел ќеси за замрзувач и пешкирче или чаршав.

Кучињата исто така уживаат и во ладни закуски и играчки. Низ светот постојат најразлични играчки за кучиња, но препорачливо е да најдете некои кои се посунѓерести и впиваат повеќе вода. Потопете ги со ладна вода и поиграјте си со миленикот.

Вашите миленици се преслатки кога молат за храна, но наместо да им дадете нешто што е лошо за нив, направете им сладолед од состојки кои не им наштетуваат како грашок, банана, вода, малку мед и по некое овошје. Внимавајте да не биде премногу стегнат за да не предивика преголем шок.