Кадетите на Вардар „газат“ во Европската младинска кошаркарска лига
Во унгарскиот град Шопрон со убедлив триумф стартуваше кадетскиот кошаркарски клуб на Вардар на турнирот од Европската младинска лига (EYBL).
Во својот прв натпревар играчите предводени од тренерот Александар Јованчев го совладаа романскиот клуб на Дан Дачијан со 109:77.
Терзиевски беше прв стрелец за „црвено-црните“ со 30 поени (шест скокови, пет асистенции), следен од Ефтимовски со 24 поени.
Денеска М14 тимот забележа уште една победа, уште повисока со 120:35 го декласираше чешкиот претставник ГБА Пелхримов.
Повторно најефикасен за македонската екипа беше Терзиевски со „трипл-дабл“ учинок од 28 поени, по 10 скокови и украдени топки, а 25 поени беа дело на Ефтимовски.
В сабота младите кошаркари на Вардар ќе имаат нов дуел, ривал ќе има биде Виена јунајтед од Австрија.