Пејачката, актерката и танчерката Џенифер Лопез (51) е фотографирана во шарени тренерки додека одела на снимањето на трејлерот за новиот филм во Њујорк, а нејзините фанови велат дека никогаш полошо не била облечена.

Имено, таа во доста лежерно издание се упатила на снимање, а откако е почната пандемијата со коронавирусот, во јавноста најчесто се појавува во спортска облека.

Сега, како што велат фановите, се надминала себе си со овој стајлинг и претерала со боите. Од глава до пети на себе има „страшни“ бои со потписот на  „Ралф Лорен“.

Џеј Ло сето тоа го искомбинирала со шарена заштитна маска за лице, а во рацете имала кристално шише за вода од кое не се одвојува. Фановите велат дека пејачката изгледа како папагал, а доста и забележаа и за мрсната и несредена коса.

Поради овие тренерки таа се вброи во листата на најлошо облечени холивудски личности за оваа недела, а неодамна таа беше окарактеризирана како тешка за соработка од страна на една холивудска дизајнерка.