Стручни лица во ЈП „Лајка“ за три дена извршиле 31 операција на улични кучиња, односно, направени биле 30 стерилизации, од кои 6 на скучни и 1 кастрација на мажјак.

– Спроведувањето на оперативни интервенции како стерилизација и кастрација се еден од најважните сегменти на ветеринарните практики кои се спроведуваат во ветеринарната амбуланта при ЈП „Лајка“. Во 3 дена тимот од ветеринарното одделение во прифатилиштето на ЈП „Лајка“ успешно спроведе 31 операција – информираат од ова јавно претпријатие.

Според нив, со овие спроведени оперативни зафати, тие како надлежни, превенирале разможување на нови млади единки, што оди во насока на намалување на стапката на бездомни кучиња на улиците.

Според познавачите на оваа проблематика, стерилизацијата и кастрацијата се единствениот начин да се намалат уличните кучиња низ јавните површини низ градот.