Наместо таблета за спиење или средство за подобрување на расположението, може да ви помогне и носот полн со мирис на едно познато растение.

Според истражувањето на Универзитетот Хајнрих Хајне во Диселдорф, мирисот на јасмин е смирувачки и опуштачки, што го прави идеално растение за во спалната соба.

Кога го почувствувале мирисот на јасмин за време на тестирањето, глувците престанале да го прават она што го правеле, се смириле и седнале. Со скенирање на нивните мозоци, научниците откриле дека мирисот на јасмин ја ублажува анксиозноста.

„По вдишувањето на мирисот на јасмин, неговите молекули влегуваат во крвта и патуваат од белите дробови до мозокот. Скенирањето на мозокот откри дека ефектот на хемикалијата наречена ГАБА врз нервните клетки е засилен. Животните се смирија“, објаснуваат научниците.

При купување, проверете дали има неколку пупки што веќе се отвораат. Инаку името „јасмин“ доаѓа од персиски збор што значи „Божји дар“. На јазикот на цвеќињата, јасминот претставува чистота, едноставност, скромност и сила.

Јасминот потекнува од Хималаите и умерените региони на Кина. Постојат околу 200 различни видови, од кои првиот е наречен арапски јасмин, или jasminum sambac.

Јасминот дошол во Европа од Персија (денешен Иран) преку трговски патишта, но и Истокот и Западот биле фасцинирани од овие цвеќиња со векови.

Слаткиот и непогрешлив мирис го направил растението неверојатно популарно. Во зависност од сортата, пупките од јасмин понекогаш можат да бидат помиризливи од самиот цвет, а некои видови цветаат само по зајдисонце.