Одбојкарките на Јанта Волеј остварија голем успех, откако го победија Гацко на гостински терен, славејќи со 3-2 (26-24, 21-25, 19-25, 25-18, 15-13) и се пласираа во финалето од квалификациите за Лигата на шампионите.

Босанскиот тим влезе како фаворит во оваа пресметка, благодарение на своето поголемо искуство, но одбојкарките на македонскиот шампион одиграа одлично и заслужено се радуваат на овој значаен успех.

Нашите одбојкарки натпреварот го започнаа одлично, освојувајќи го првиот сет со 26-24,. Гацко одговори со добивање на следните два сета со 25-21 и 25-19, правејќи пресврт и водејќи со 2-1.

Но, нашите одбојкарки не се предадоа. Четвртиот сет го добија со убедливи 25-18, а петтиот, решавачки, со 15-13, обезбедувајќи им место во финалето и големо славје.

Последна пречка за влез во Лигата на шампионите ќе биде францускиот тим Ла Кане.

Преземено од: Sport.com.mk