Израелскиот министер за национална безбедност Итамар Бен Гвир денеска изрази поддршка за раселувањето на Палестинците од Појасот Газа во странство, велејќи дека војната претставува „можност за фокусирање на охрабрувањето на миграцијата на жителите“ на палестинска територија.

Бен Гвир повика на реконструкција на израелските доселенички населби евакуирани во 2005 година.

Тој на состанокот на неговата ултрадесничарска партија Окма Јехудит (Еврејски сили) рече дека таквата политика ќе овозможи враќање на жителите во израелските погранични области и еврејските доселеници во Газа евакуирани во 2005 година, оценувајќи дека тоа е „исправно, праведно морално и хумано решение“.

Неколку израелски пратеници, вклучувајќи и членови на кабинетот, вршат притисок на, како што велат, „доброволното раселување“ на Палестинците од Газа, што е отфрлено од израелскиот премиер Бенјамин Нетанјаху и меѓународната заедница.