Дванаесет жртви загинаа утринава во пожар кој избувна во нелегален старски дом во Шри Ланка, а осум други се повредени, објави „Асошијетед прес“.

Пожарот избувнал во текот на ноќта во домот кој се наоѓа во градот Ангуруватота.

Полицијата соопшти дека се спасени 51 човек, а во објектот биле сместени и старци со ментални нарушувања.

Директорот на домот е уапсен под сомнение за предизвикување смрт од небрежност и е задржан во притвор една недела додека трае истрагата.

Пожар во старски дом во Хрватска, има 6 жртви

Преживеаните биле евакуирани и однесени на безбедна локација со помош на полицијата и на војската.

Директорот на Националниот секретаријат за стари лица, Чатура Михудум, изјави дека објектот не бил регистриран како дом за стари лица и дека претходно бил предупреден да ги почитува законите и стандардите.

Тој додаде дека објектот бил пренатрупан, со капацитет за околу 15 луѓе, а во него живееле 71 жител.

Државни службеници претходно ја посетиле институцијата и ѝ наложиле на управата да ги почитува прописите, без да наведе дополнителни детали.

ВИДЕО | Голем пожар избувна во хотел во Њу Делхи, има загинати и повредени — луѓе во паника скокаа од зградата