Членот на Рома и италијански репрезентативец Стефан ел Шарави заврши на суд поради нанесување на тешки телесни повреди на крадец кој се обидел да му го украде автомобилот.

Фудбалерот бил на гости кај својот пријател, голманот Алесио Черчи, низ прозорец видел како крадецот го разбива прозорот на неговиот скапоцен автомобил „Ламборџини“ и сака да го украде, по што истрчал од својата куќа. Крадецот наводно го приметил Ел Шарави но не успеал да избега бидејќи бил сопнат од фудбалерот и притоа добил неколку удари, додека Черчи повикал полиција.
Чилеанецот Карлос Алага кој во меѓувреме е осуден на 15 месеци затворска казна, во падот заработил скршеница на вилицата и на ногата, и два месеци бил во гипс.
Поради тоа одлучил да го тужи фудбалерот и да бара отштета за претрпените повреди, додека Ел Шарави во полицискиот записник навел дека два пати го удрил крадецот во обид да го спречи да избега.