Грчкиот Апелациски суд на Додеканезите осуди 35-годишен Иранец на 43 години и 7 месеци затвор и парична казна од 170.500 евра, откако беше прогласен за виновен за шверц на мигранти од турскиот брег до Грција, нелегален влез во земјата и непослушност за време на потера од страна на грчките пристанишни власти.

Според порталот dimokratiki.gr, криумчаењето на мигранти се случило во раните утрински часови на 23 август 2024 година, кога бил забележан 7-метарски глисер како се приближува кон Тилос од турскиот брег.

На бродот имало 12 мигранти, без легални документи. 35-годишниот Иранец дејствувал како капетан на бродот и го презел нивниот транспорт до грчка територија, од каде што тие ќе се обиделе да заминат за друга земја во Европската Унија.

Судот пресуди дека Иранецот имал профитна намера, бидејќи за секое лице што го превезувал се согласил на надомест од 6.000 евра. Тој, исто така, немал никаква дозвола за влез или престој во Грција, каде што влегол нелегално.

Неговото апсење се случи по потера од страна на патролен чамец на крајбрежната стража кој се обиде да го запре глисерот. Иранецот не се застанал туку развивајќи голема брзина се упатил кон турскиот брег, обидувајќи се да избега. Сепак, по околу 20 минути, чамецот се приближи до Тилос и ги истоварил луѓето што се превезувале. 35-годишникот е уапсен кратко потоа.