Спортскиот директор на Меѓународниот олимписки комитет (ИОК), Пјер Дукре, денеска изјави дека американската скијачка Линдзи Вон и нејзиниот тим одлучиле да се натпреваруваат на Зимските олимписки игри во Милано и Кортина и покрај сериозната повреда, каде што падна и повторно се повреди.

– Мислам дека е јасно дека во спустот им даваме можност на спортистите да тренираат за да бидат сигурни дека ќе можат да се спуштат по падината онака како што треба да биде за сите спортисти. Тоа се случи, таа можеше да тренира и донесе одлука, со одличниот тим што го има, да учествува, па од таа гледна точка, не мислам дека треба да кажеме дали требаше да учествува – рече Дукре.

Вон падна 13 секунди по спустот во неделата и претрпе сериозна повреда на левата нога. Веднаш ѝ беше укажана лекарска помош пред да биде префрлена со хеликоптер во болница во Тревизо, каде што беше оперирана.

– Таа одлука беше навистина нејзина и на нејзиниот тим. Таа ја донесе одлуката и за жал тоа доведе до повредата – додаде Дукре.

41-годишната американска скијачка одлучи да се натпреварува на Игрите девет дена откако ги скина лигаментите на левото колено на трката по спуст од Светскиот куп во Кран Монтана. Таква повреда може да го држи спортистот надвор од натпреварувањето со месеци.

По пристигнувањето во Кортина, таа рече дека се консултирала со лекари, физиотерапевти и тренери пред да одлучи да се натпреварува. Успешно заврши два тренинзи во Кортина носејќи протеза за колено, а нејзиниот тренер Аксел Лунд Свиндал рекол дека е во доволно добра позиција да се натпреварува за медал.

Претседателот на Меѓународната скијачка и сноуборд федерација (ФИС), Јохан Елијас, исто така, рече дека само Вон можела да одлучи дали да се натпреварува.

Линдзи Вон посилна од повредата – додека има шанса, ќе се обиде да настапи на ЗОИ 2026

ВИДЕО | Тажна сцена: Линдзи Вон со тежок пад по десет секунди го заврши настапот на Олимписките игри