СВР Струмица – ОВР Радовиш поднесе кривична пријава против фирма од Радовиш и 64-годишниот Ж.А. од Радовиш поради сомнение дека во 2024 година започнале изградба на станбена зграда, без одобрение за градба. Поднесена е и кривична пријава против 55-годишниот Љ.Е. од Радовиш, надзорен инженер, за злоупотреба на службената положба и овластување.

– Фирмата и второпријавениот како одговорно лице во текот на 2024 на катастарска парцела започнале градба на станбена зграда за домување, без соодветно одобрение – соопшти полицијата.

Третопријавениот во својство на надзорен инженер вршел надзор над објектот и покрај тоа што знаел дека не поседува издадено одобрение за градење, а притоа извршил незаконска наплата по претходно доставена фактура за извршен надзор со што пријавениот се стекнал со противправна имотна корист во висина од 136.214 денари.