Директорот на Интер, Џузепе Бепе Марота порача дека клубот нема намера да го продава или да го стави на траснфер листата, својот најдобар играч Ромелу Лукаку.

Изминатите месеци, откако Интер ја освои титулата во Серија А медиуми постојано пишуваа дека за 28-годишниот напаѓач е можно да се врати во Премиер лигата бидејќи интерес за него пројавуваа Манчестер сити и Челси. Згора на тоа, медиумите шпекулираа дека со евентуалната продажба на Лукаку, Интер ќе реши дел од финансиските проблеми, но директорот Марота одлучи да стави крај на сите шпекулации.

– Што се однесува до нас, Лукаку не е на продажба. Тој е важен дел од тимот, од сложувалката која ја создаде Симоне Инзаги – изјави Марота.
Лукаку минатата во Серија А постигна 24 гола на 36 натпревари и е најзаслужен за освоената титула на „неразурите“.