Класичниот британски појадок, некогаш задолжителен, неодамна доби горчлив вкус, а причината за ова не е само овошјето, туку драстичното зголемување на цената на еден популарен прехранбен производ. Сокот од портокал стана вистински симбол на инфлација во Велика Британија, но и секаде по светот- пишува Каматица. Само пред пет години, еден литар сок од портокал од брендирана марка во британските супермаркети чинеше 76 пени. Денес, истата количина чини 1,79 фунти.

Ова е неверојатно зголемување на цената од дури 134% од 2020 година. Покрај тоа, само во последната година, цената скокна за 29%. Слична ситуација постои и во угостителската индустрија. Во кафулињата и рестораните, цената од 3,5 до 4 фунти за чаша сок стана вообичаена. Еден новинар наводно бил шокиран кога сметката за чаша сок од портокал и лимонада во ресторан во Кент била 9 фунти. Од таа сума, 5,3 фунти била цената на само еден свежо исцеден сок.

Ова ненадејно зголемување на цената се објаснува со проблеми во синџирите на снабдување и, пред сè, со слабата берба на портокали во клучните земји производители.