Икарди и Наинголан не се во плановите на Интер!
Желбите се Един Џеко, Николо Барела и Ромелу Лукаку, а извршниот директор на клубот, Бепе Марота откри дека се преговара со Босанецот и младиот Италијанец, поточно со нивните клубови.
– Тоа е една вид партија шах каде што продавачот и купувачот играат со своите стратегии. Можам да потврдам дека Џеко и Барела се наши цели, клубовите се обидуваат да се договорат, а еден играч е навистина заинтересиран и се уште сме во фаза на преговори – рече Марота.
L' Inter mette ufficialmente in vendita Icardi e Naingollan. Marotta conferma che i due non fanno parte del progetto tecnico e quini verranno venduti. Per Icardi è appena iniziato il duello Juventus-Napoli, per il Ninja si prospetta la Cina. pic.twitter.com/vvAdg8b4Dc
— Fantaliveseriea (@FantaLIVEserieA) July 7, 2019
Се говори и за потенцијални заминувања од „Џузепе Меаца“, први пред излезните врати се Мауро Икарди и Раџа Наинголан.
– Кога дефинирате еден проект, исто така морате да пронајдеме идеални профили за него. Не сакам да влегувам во детали, но ги разгледавме сите аспекти и донесовме болна одлука. Не сме глупави, сфаќаме дека тие се дел од нас, но мораме да имаме храброст за одредени убедувања и сигурно работиме во нивна најдобра полза, со секако респект спрема двајцата професионалци – додаде Марота.
Ситуацијата околу овие играчи ја коментираше и тренерот Антонио Конте.
– Со сета почит спрема Икарди и Наинголан, клубот имаше доволно време да ја процени ситуацијата и донесе одлука. Од моја страна го давам максимумот со цел да ја поддржам визијата на клубот. Тренерот и клубот мораат да работат како едно, така што сите сме сложни по ова прашање – беа зборовите на стратегот на „неро-аѕурите“.